玩具是每個人童年時的重要同伴，每一件也見證著大家的難忘童年，如木頭人、高達這些都是小編兒時的玩具，來到「玩具好時光」均可以看得見這些懷舊玩具。

（Jerry希望顧客可以摸到玩具，慢慢挑選）

   新舊玩具齊全，店內除了懷舊玩具，更有現時流行的玩具，Jerry希望讓顧客買到現今的玩具之餘，更可以尋回兒時的玩具，重拾回憶。小編甫進店內，差點被嚇倒，眼見一盒盒的高達模型十分齊全，由小編兒時的到現在新出的都有。Jerry自信地說：「我同朋友會去唔同國家入貨，所以高達模型先咁齊款！」全靠他們經常周圍去，令到玩具店的古今玩具都很齊全。

（由右至左便是小童至大人的區域，讓他們慢慢逛）

   當初，Jerry開設此店的原意是希望顧客可在一個舒適的環境挑選玩具，他表示：「其實我哋開呢間舖係想啲客可以有大啲地方慢慢行，因為而家除咗大型連鎖店之外，都好少玩具店可以俾到啲客慢慢行、慢慢摸，開樓上舖除咗因為租平啲之外，我哋就係想啲客可以free啲，慢慢行慢慢揀慢慢摸！

（木製模型既可以擺又可以玩）

   除咗咁，我哋都好鍾意同啲客傾多啲，多啲交流，例如佢哋呢排見到咩得意嘅玩具、買到咩玩具都可以同我哋分享！因為我咃都有做回收，試過有個客問我得一件配件收唔收，其實我哋都會收，因為我屋企已經有幾箱唔齊嘅配件，分分鐘可以喺嗰度搵番啲配件出嚟砌番成完整一件，到時好有滿足感架！」現時店內7至8成的玩具都是日本玩具，他希望來年會到其他國家搜羅不同的玩具，滿足不同的客源。

（店內環境舒適、寬敞）

玩具好時光位於九龍荔枝角長沙灣道883號億利工業中心2樓17C室，營業時間：星期一至星期日 14:00-20:00。