今次想介紹嘅樓上舖, 佢嘅產品有三個特點. 1. 全人手製造 2. 冇化學添加 3. 新鮮. 大家估唔估到係咩? 食得嘅? 飲得嘅? 錯! 答案係又唔食得, 又唔飲得, 而係用搽嘅護膚品!

 

呢間專做天然護膚品嘅樓上舖叫做「Pure – Start from Natural」. 佢地一直以嚟都只靠口碑, 冇乜做啲咩宣傳. 由幾個月前兩個人 - Apple 同埋 Belle - 四隻手密密做再外出交收寄賣, 做到而家有兩間樓上舖, 靠嘅都係口碑. 難得嘅係佢地都仍然保持住平實, 實在, 非商業化嘅作風, 會keep 住用 Whatsapp 或者Facebook 去跟進每個顧客嘅使用情況. 體貼成咁, 唔怪得知佢地會有咁多支持者啦!

 

 

體貼嘅售後服務當然重要, 但我覺得「Pure – Start from Natural」最大嘅賣點, 始終都係佢地嘅 Product. 一般出面嘅大牌子護膚品, 通常都會標榜成效有幾顯著, 用後會有幾似某某大明星. 但究竟入便有咩成份, 消費者完全一無所知. 而 Pure 佢地會實實在在咁話俾消費者知佢地嘅產品究竟有咩天然成份, 而呢啲成份又有咩效用, 點解用左會令皮膚好轉, 等大家可以真真正正咁知道自己搽緊啲咩. 另外, 因為大牌子要大量生產, 要存放一段時間, 所以一般都會加入化學添加劑, 但 Pure 堅持使用新鮮天然材料, 大部分貨品一個星期就賣哂, 所以冇Keep Stock 嘅問題.

 

純天然無添加係一大賣點

最特別嘅係, 為配合不同女士膚質嘅需要, 或者不同喜好, Pure 有度身訂造特別護膚品服務. 例如針對特別敏感嘅皮膚, 暗瘡性皮膚, 或需要特別保濕等, 佢地都可以因應需要提供顧問同度身訂造適合個人嘅護膚品. 又或者如果顧客想要一啲特別嘅香味, Pure 都可以做到一系列嘅香薰 Mask, 爽膚水, 或者 Body Lotion 等. 了解客人兼且盡力做出貼心服務, 「以客為本」四個字佢地係真真正正咁做到.

 

 

自家手製護膚品(製作中)

最後筆者都喺度祝「Pure – Start from Natural」生意興隆. Apple 同 Belle 事事都鍾意親力親為, 希望佢地顧住客人之餘, 都要留心一下自己身體啦!

 

 

有機玫瑰果黑糖面膜

 

甘草修護精華＋ 桃花面膜粉 鎮靜 紓緩 解毒和美白

 

 

 
仲有Youtube 教授做用技巧!

 

【特別推介】

1、登記成為uppershop樓上舖會員，在特約商鋪消費時出示電子會員卡，即可享用會員獨有的優惠。<登記會員>

2、下載樓上舖App，快速響應你的需求，優惠隨時隨身！開心逛街，輕鬆購物，享受服務，愜意生活！<APP Store，Google play>

3、讃好Facebook專頁，為你提供樓上舖最新資訊、優惠、折扣，分享香港隱世吃喝玩樂好去處。<FB專頁>

4、搜一搜，掃一掃，關注樓上舖官方WeChat微信“uppershophk”，查看更多資訊，更多驚喜！<WeChat官方號uppershophk>