正所謂「日日運動身體好男女老幼做得到」,呢個道理小學生都明. 但係呢排夏天日日都三十幾度, 留喺街度多一陣都頂唔順啦, 莫講話做戶外運動喇. 咁室內運動呢? 雖然而家康文署都有唔少室內體育館俾市民用. 但要場, 起碼都要早個幾兩個月. 健身室又去到悶, 冇乜心機去. 唯有日日匿喺屋企涼冷氣啦.

   究竟有冇啲樓上舖係可以做運動之餘又有冷氣又新奇又刺激又好玩又…… 下刪字呢? 既然我咁問得就梗係有啦! 呢個就係位於觀塘嘅「PLAY Baseball + Softball」喇!

工廠大廈內嘅擊球場

  「PLAY Baseball + Softball」係香港首間全自動室內棒球/疊球擊球場. 佔地一萬平方呎, 除左有最先進嘅自動投球機, 同埋自動回球系統之外, 仲有電子屏幕嘅虛擬投球手. 呢類棒球運動睇漫畫就睇得多喇, 真正落場就真係未試過. 而家終於可以一嘗擊球手嘅滋味! 投球機內置不同球速同旋速, 球速最高可以去到150公里. 另外仲有專俾小朋友用嘅擊球及投球練習區. 要練成童夢幻影球已經再唔係夢想喇, 嘩哈哈哈哈哈! 弊!( 洩露左年齡秘密添).

擊球練習區

另有棒球/疊球用品發售

【特別推介】

1、登記成為uppershop樓上舖會員，在特約商鋪消費時出示電子會員卡，即可享用會員獨有的優惠。<登記會員>

2、下載樓上舖App，快速響應你的需求，優惠隨時隨身！開心逛街，輕鬆購物，享受服務，愜意生活！<APP Store，Google play>

3、讃好Facebook專頁，為你提供樓上舖最新資訊、優惠、折扣，分享香港隱世吃喝玩樂好去處。<FB專頁>

4、搜一搜，掃一掃，關注樓上舖官方WeChat微信“uppershophk”，查看更多資訊，更多驚喜！<WeChat官方號uppershophk>