好多去過西班牙嘅人都對Tapas念念不忘，Tapas款式又多又精緻，而且好適合配酒，可以話係國民料理，其實喺香港都可以食到正宗Tapas，而且傳統、Fusion都有！由即日起至11月30日，去指定餐廳即可以優惠價$68-$88歎到限定Tapas加巴塞隆拿啤酒 Estrella Damm一杯！Miss Sunny仲幫大家精選咗8款Tapas，即刻睇以下詳情！

TAP TAP：手打南非腸漢堡扒、粟米梳乎厘煎餅配查克拉卡蔬菜濃汁

有人會將唔同嘅Tapas組成一道正餐，我一定會揀呢道菜成為其中一款，口感豐富又飽肚，手打南非腸漢堡扒鮮嫩多汁，粟米梳乎厘煎餅又鬆軟，兩種口感crossover，再加上清新嘅蔬菜濃汁，食多幾碟都得！

手打南非腸漢堡扒、粟米梳乎厘煎餅配查克拉卡蔬菜濃汁 + 啤酒 查克拉卡蔬菜濃汁主要以番茄同香料混合而成，配漢堡扒同梳乎厘煎餅，正好減輕油膩同飽肚感

TAP TAP
地址：大嶼山貝澳老圍村15號地下

CLUB NINE：麻婆豆腐墨西哥玉米片

傳統Tapas食得多，Fusion Tapas應該無咩人食過。呢道Tapas結合墨西哥玉米片同四川麻婆豆腐，以麻婆豆腐取代辣肉醬，將玉米片蘸上麻婆豆腐、香濃芝士同酸忌廉一齊食，芝士同酸忌廉巧妙地中和咗麻辣嘅刺激感，香口得嚟又唔會太辣，好夾！

麻婆豆腐墨西哥玉米片 + 啤酒, 香辣的味道，令人上癮！

CLUB NINE 玖
地址：銅鑼灣霎東街 15-21號 OLIV 9 樓
電話：9729-3330

LAVA BAR & RESTAURANT：慢煮牛腩4層腐皮手工包

呢間餐廳口碑一向都唔錯，佢哋嘅慢煮牛腩千層腐皮手工包仲好受歡迎，外形似刈包，手工包十分軟熟，加上慢煮 24 個鐘嘅牛腩絲同酥脆腐皮，口感好有層次，牛腩煮得軟腍而不失油香，啖啖都好Juicy！

LAVA 慢煮牛腩、手工包、4層腐皮 + 啤酒, 手工包軟熟，加上鬆化多汁嘅牛腩同脆腐皮， 味道同口感都充滿驚喜！

LAVA BAR & RESTAURANT
地址：太子通菜街230號地下
電話：2642-1618

LA BO LA：香茅豬肉丸配芝麻汁 (6粒)

LA BO LA曾獲米芝蓮推介，食物品質同味道絕對有保證，菜式以新派越式為主，令人一試難忘！製作呢款香茅豬肉丸配芝麻汁時﹐廚師喺免治豬肉中加入香茅、魚露同調味香料，肉丸Juicy又清香，如果想味道更有層次，可以點秘製芝麻汁食～

香茅豬肉丸配芝麻汁(6粒) + 啤酒, 一粒肉丸、一啖啤酒，呢啲咪叫Happy Hour囉！

LA BO LA
地址：灣仔皇后大道東200號利東街地下G02-03號舖
電話：2871-1711

NO.13 JAPANESE RESTAURANT：明太子天婦羅

除咗西班牙，日本對下酒菜都相當講究，呢間居酒屋嘅廚師將明太子以紫蘇葉同紫菜包著，再沾上天婦羅炸漿，炸至外脆內軟。切開後，即見流心明太子！紫蘇葉嘅清香中和咗明太子嘅鹹味，無論係口感定味道都好出色！

明太子天婦羅 + 啤酒 , 明太子配清酒試過，但配巴塞隆拿啤酒真係第一次試！

NO.13 JAPANESE RESTAURANT
地址：大坑施弼街12-13號地下B舖
電話：2504-2777

TIVO：薄切慢煮牛舌片配油封蛋黃、青莎莎醬

中環酒吧林立，要有好嘅下酒小食先可以留住一班酒客，TIVO嘅薄切慢煮牛舌片就做到喇，佢哋將牛舌慢煮18小時，煮至口感軟腍、入口即溶，再配上清新嘅青莎莎醬同creamy 嘅油封蛋黃，呢個時候飲番杯Estrella Damm啤酒，爽呀！

薄切慢煮牛舌片配油封蛋黃、青莎莎醬 + 啤酒 , 鹹香小食同啤酒永遠都係絕配，呢道小食同Estrella Damm啤酒都好夾！

TIVO
地址：中環雲咸街43-45號地下D及E舖
電話：2116-8055

DE LUNA TAPAS BAR & RESTAURANT：西班牙風炒鑽石蜆

呢間餐廳講到明賣Tapas，當然有番咁上下水平啦，當中西班牙風炒鑽石蜆更係必點菜式，選用新西蘭鑽石蜆，肉質爽口又肥美，而且肉汁鮮甜，再加上西班牙辣肉腸、蒜頭同辣椒快炒，香口惹味！

西班牙風炒鑽石蜆 + 啤酒 , 這道菜式入口鹹新味交錯，忍唔住飲啖啤酒。

DE LUNA TAPAS BAR & RESTAURANT
地址：旺角黑布街17號地下
電話：2869-8099

BAHCE TURKISH RESTAURANT：香煎朝鮮薊

自問識食嘅你，食過朝鮮薊（洋薊）未呢？其實即係「雅枝竹」，有人稱佢為蔬菜之王，因為佢營養豐富，含豐富蛋白質同鐵質，常用作意大利料理。呢間餐廳不計成本，選用新鮮空運嘅朝鮮薊，取用最嫩嘅部分花芯，再以橄欖油煎香，加入少少鹽同香醋提味，啖啖都係新鮮原味！

香煎朝鮮薊 + 啤酒 , 菜式煮法簡單﹐其實有好嘅食材，輕輕調味已足夠！

BAHCE TURKISH RESTAURANT
地址：大嶼山銀運路 3 號梅窩中心地下 19 號舖
電話：2984-0222